काठमाडौं महानगरका निजी विद्यालयमा १८ हजारले पाए छात्रवृत्ति

काठमाडौं । काठमाडौं महानगरपालिकाभित्र सञ्चालित निजी विद्यालयले १८ हजारभन्दा बढी विद्यार्थीलाई छात्रवृत्ति दिएको छ ।

यस शैक्षिक सत्रमा हिजोसम्म विवरण बुझाउने विद्यालयको संख्या ४७३ पुगेको छ, जस अनुसार १ लाख ४९ हजार ९५६ विद्यार्थी भर्ना भएकामध्ये १८ हजार ४ सय २२ जनाले छात्रवृत्ति पाएका छन् ।

यसबाट लक्षित वर्गका विद्यार्थीहरूलाई करिब २ अर्ब बराबरको छात्रवृत्ति उपलब्ध गराउन सफल भएको महानगर प्रमुख बालेन शाहले जानकारी दिए ।

अघिल्लो शैक्षिक सत्रभन्दा यस वर्ष छात्रवृत्ति दिने विद्यायलको संख्या पनि बढेको शाहले बताए । विवरण बुझाउन बाँकी विद्यालयलाई तीन दिनभित्र बुझाउन महानगरले निर्देशन दिएको छ ।

महानगर प्रमुख बालेन शाहका अनुसार:

एउटा कानुन कार्यान्वयनले यो बर्ष १९००० भन्दा धेरै विद्यार्थीले Scholarship पाएको छ । गत शैक्षिक सत्र २०८० मा काठमाडौँ महानगर क्षेत्रभित्र भएका ५०४ निजी विद्यालयमध्ये ४६५ ले १३००० भन्दा बढी विद्यार्थीले छात्रवृत्ति पाएको विवरणमहानगरको इतिहासमै पहिलो पटक प्राप्त भएको थियो ।

यस शैक्षिक सत्र २०८१ मा हिजो सम्म विवरण बुझाउने विद्यालयको संख्या ४७३ पुगेको छ जस अनुसार १,४९,९५६ बिद्यार्थी भर्ना भएका मध्ये १८४२२ जनाले छात्रवृति पाएका छन् । हामीले विद्यमान कानुन को कार्यान्वयन गर्दा मात्रै लक्षित बर्गका बिद्यार्थी हरुलाई करिब २ अर्ब बराबर को छात्रवृति उपलब्ध गराउन सफल भयौँ ।

प्राप्त भएको विवरणको हामि अनुगमन गर्नेछौ , फरक पाइएमा कानुन बमोजिम कारबाही हुनेछ । हाल सम्म विवरण नबुझाउने विद्यालयलाई ३ दिन को समय दिई विवरण पेस गर्नका लागि सार्बजनिक सुचना प्रकाशन गरेका छौ । ३ दिन भित्र विवरण पेस नगर्ने बिद्यालय हरु बन्द विद्यालयको रुपमा बुझी काठमाडौँ महानगरपालिका शिक्षा ऐन, २०७५ बमोजिम विद्यालयलाई प्रदान गरिएको अनुमति वा स्वीकृति रद्द गर्ने गरी कारबाही गरिनेछ ।

विद्यमान कानुनी प्रवन्ध कार्यान्वयन गर्दा यी गत वर्ष १३ हजार र यस बर्ष करिब १९००० विद्यार्थी भाइबहिनीले छात्रवृत्ति पाएका हुन् । कानुन निर्माणको महत्व कार्यान्वयनबाट मात्र पुष्टि हुन्छ । त्यसैले, हामी कानुन निर्माण र कार्यान्वयन दुवै पक्षमा उत्तिकै गम्भीर छौं ।

काठमाडौं महानगरका निजी विद्यालयमा १८ हजारले पाए छात्रवृत्ति

काठमाडौं महानगरका निजी विद्यालयमा १८ हजारले पाए छात्रवृत्ति

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

गृहपृष्ठ

अपडेट

ट्रेन्डिंङ

भिडियो