Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौं । चितवन राष्ट्रिय निकुञ्जमा गस्ती गर्न गएको एक नेपाली सैनिक आफ्नै साथीले हानेको गोली लागेर घाइते भएका छन् ।
गस्तीका क्रममा भालुले आक्रमण गरेपछि जोगिन हानेको गोली सैनिक जवानलाई लागेको हो । निकुञ्जको सौराहा क्षेत्रमा रहेको नयाँ गोरख गणबाट गएको नेपाली सेनाको टोलीका कमाण्डर हवल्दार लक्ष्मणकुमार थापालाई भालुले आक्रमण गरेको थियो ।
हवल्दार थापालाई जोगाउन उनकै टीमका सैनिकले हानेको गोली भालुलाई छेडेर अर्का सैनिक जवान २३ वर्षका प्यूठ कुन्दन सिंहलाई लागेपछि उनी घाइते भएको जिल्ला प्रहरी कार्यालय चितवनका डीएसपी भेषराज रिजालले जानकारी दिए ।
घाइते सैनिक सिंहको खुट्टामा गोली लागेको छ । उनको भरतपुर अस्पतालमा उपचार भइरहेको छ ।
भालुले आक्रमण गरेका हवल्दार थापा भने सामान्य घाइते छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
