Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । नक्कली शैक्षिक प्रमाणपत्रको आरोपमा एक शिक्षिकाविरुद्ध अख्तियार दुरुपयोग अनुसन्धान आयोगले आरोपपत्र दायर गरेको छ ।
आयोगले मंगलबार तनहुँको व्यास नगरपालिकास्थित बालमन्दिर माध्यमिक विद्यालयमा कार्यरत शिक्षिका सुनिता उपाध्याय पौडेलविरुद्ध विशेष अदालत काठमाडौंमा आरोपपत्र दायर गरेको हो ।
पौडेलले भारतको वाराणसीबाट उत्तीर्ण गरेको हाईस्कुल तहको झुट्टा शैक्षिक योग्यताको प्रमाणपत्रहरु पेस गरी प्राथमिक तह, तृतीय श्रेणी, शिक्षक पदको हैसियतमा अनुचित लाभ लिएको आयोगका प्रवक्ता नरहरि घिमिरेले जानकारी दिए ।
आरोपपत्रमा भ्रष्टाचार निवारण ऐन, २०५९ को दफा १६ को उपदफा (१) बमोजिम सजाय माग गरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
