Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । सुदूरपश्चिमको बैतडीस्थित पुर्चौडीको कालागाउँ पुर्ख्यौली घर भएका हाल काठमाडौंमा बस्दै आएका नेपाली सेनाका एक पाइलट एवं पूर्व कर्नेल (रिटार्यड) सुवर्ण बिष्टको निधन भएको छ ।
स्रोतका अनुसार हृदयाघात भएर उनको निधन भएको हो । उनी बिहान आफैं गाडी चलाएर अस्पताल गएका थिए । उनी केही दिनअघि भाईरल ज्वरोबाट ग्रसित थिए ।
उनी नेपाली सेनाको सुदूरपश्चिमबाट पाईलट हुने पुराना पाँच जनामध्ये पर्छन् । उनी नेपाली सेनाका सिनियर क्याप्टेन अवकाश प्राप्त महासेनानी (फुल कर्णेल) हुन् ।
स्वर्गीय बिष्टका एक छोरा र एक छोरी र पत्नी छन् । उनको आज राति पशुपती आर्यघाटमा दाहसंस्कार गरिने बताईएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
