Jul 15 2025 | २०८२, असार ३१ गते
Jul 15 2025 | २०८२, असार ३१ गते
काठमाडौं । भारतका दिग्गज अभिनेता तथा निर्देशक धीरज कुमारको निधन भएको छ । ८० वर्षीय धीरजको मंगलबार मुम्बईको कोकिलाबेन धीरुभाई अम्बानी अस्पतालमा निधन भएको हो ।
निमोनियाका कारण उनलाई शनिबार अस्पताल भर्ना गरिएको थियो, जहाँ भेन्टिलेटरमा राखिएको थियो ।
धीरज कुमार १९६० को दशकमा एक प्रसिद्ध पत्रिकाद्वारा आयोजित प्रतिभा खोजी प्रतियोगितामा भाग लिएर अभिनयको दुनियाँमा प्रवेश गरेका थिए ।
 (1).gif)
उनले ‘उधर का सिन्दूर’, ‘सरगम’, ‘रोटी कपडा और मकान’, ‘स्वामी’, ‘रातों का राजा’, ‘हीरा पन्ना’, ‘क्रांति’, ‘माङ भरो सजना’, ‘पुरानो मन्दिर’, ‘कर्म युद्ध’, ‘बहुरूपिया’ जस्ता धेरै फिल्महरूमा काम गरेका छन् ।
हिन्दी फिल्ममा काम गर्नुअघि धीरज कुमारले २० भन्दा बढी पञ्जाबी फिल्ममा पनि काम गरिसकेका थिए ।
सन् १९८६ मा धीरज कुमारले आफ्नो निर्माण कम्पनी ‘क्रिएटिभ आइ’ स्थापना गरे । यस निर्माणमा धेरै चलचित्रहरू बाहेक लोकप्रिय पौराणिक धारावाहिकहरू पनि निर्माण भएका थिए ।
उनको मृत्युपछि धेरै कलाकारहरूले समवेदना व्यक्त गरिरहेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
