Jun 04 2026 | २०८३, जेठ २१ गते
Jun 04 2026 | २०८३, जेठ २१ गते
काठमाडौं । नेपाल आयल निगम ऋण मुक्त भएको छ । तर निगमले मूल्य स्थिरीकरण कोषको २१ अर्ब रूपैयाँ भने फिर्ता गर्न बाँकी छ ।
बढ्दो घाटाका कारण निगमले मूल्य स्थिरीकरण कोषमा जम्मा भएको २१ अर्ब रूपैयाँ झिकेर इंडियन आयल कर्पोरेसन (आइओसी) लाई बक्यौता तिरेको थियो ।
निगमले आइओसीसँग तेल किनेर आन्तरिक बजारमा बिक्री वितरण गर्छ । घाटा बढ्दै गएपछि निगमले मूल्य स्थिरीकरण कोषको पैसाले नपुगेर सरकारसँग समेत सात अर्ब रूपैयाँ ऋण लिएको थियो ।
सरकारको ऋण पाँच वर्षमा १० किस्ताको दरले भुक्तानी गर्ने शर्तमा लिए पनि निगमले अन्तर्राष्ट्रिय बजारमा कच्चा तेलको भाउ निरन्तर घटेपछि डेढ वर्षमै तिर्न सफल भएको छ ।तर मूल्य स्थिरीकरण कोषको रकम भने अझै तिर्न बाँकी रहेको निगमले जनाएको छ ।
हामी ऋण मुक्त भएका छौं,' निगमको ५४ औं वार्षिकोत्सवको अवसरमा आयोजित कार्यक्रममा निगमका निमित्त कार्यकारी निर्देशक नागेन्द्र शाहले भने, 'अब आन्तरिक दायित्व बाँकी छ।'
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
