
Apr 06 2025 | २०८१, चैत २४ गते
काठमाडौँ । स्वीट्जरल्याण्ड भ्रमणमा कर्णाली प्रदेशका मुख्यमन्त्री राजकुमार शर्मा गएपछि कार्यवाहक मुख्यमन्त्रीमा मंगलबहादुर शाहीलाई तोकिएको छ ।
भौतिक पुर्वाधार तथा सहरी विकास मन्त्री समेत रहेका शाहीलाई प्रदेश प्रमुख तिलक परियारले कार्यवाहक मुख्यमन्त्रीको जिम्मेवारी तोकेका हुन् । सेप्टेम्बर १ देखि २ सम्म मुख्यमन्त्री शर्मा स्वीट्जरल्याण्डको जुरीचमा आयोजना हुने एक कार्यक्रममा सहभागी हुनका लागि गएका छन् ।
बुधबारदेखि अनुपस्थित हुने गरी मुख्यमन्त्रीको सचिवालयले प्रदेश प्रमुखको कार्यालयलाई पत्र लेखेको थियो । संविधान धारा १५५ बमोजिम प्रदेश प्रमुख परियारले मन्त्री शाहीलाई कार्यवाहक मुख्यमन्त्री तोकेका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij