Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । सर्लाहीको हरिवन नगरपालिकाले आँखा पाक्ने रोग नियन्त्रणको लागि निःशुल्क उपचार शिविर सञ्चालन गरेको छ । नगर क्षेत्रभित्र आँखा पाक्ने समस्याबाट धेरै मानिस बिरामी पर्न थालेपछि स्वास्थ्य शिविर नै सञ्चालन गरेर बिरामीको उपचार सुरु गरिएको हरिवन नगरपालिकाका मेयर रमेश बुढाथोकीले जानकारी दिए ।
प्रत्येक वडाका सामुदायिक विद्यालय, स्वास्थ्य चौकी र आवश्यकताका आधारमा अन्यत्र पनि शिविर सञ्चालन गरेर आँखा पाकेका बिरामीको उपचार गरिएको हरिवन नगरपालिकाको स्वास्थ्य शाखा संयोजक रामबाबु चौधरीले जानकारी दिए ।
सर्लाहीसहित तराई मधेशका सबैजसो जिल्लामा यतिबेला आँखा पाक्ने रोग फैलिएको छ । आँखा पाक्ने समस्या समाधानको लागि विभिन्न स्थानीय तहहरुले निःशुल्क शिविर सञ्चालन गर्न थालेका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
