Apr 22 2025 | २०८२, वैशाख ९ गते
Apr 22 2025 | २०८२, वैशाख ९ गते
काठमाडौं । चितवनको मुग्लिन नजिकै पहिरो खस्दा नारायणगढ मुग्लिन सडकखण्ड पूर्ण रुपमा बन्द भएको छ । अहिले पनि पहिरो खस्ने क्रम जारी छ ।
मुग्लिनदेखि नारायणगढ तर्फ करिब दुई किलोमिटरमा पर्ने तीन नम्बर पुल नजिकै खसेको पहिरोका कारण हिजो दिउँसो साढे १ बजेबाट सडक पूर्णरुपमा अवरुद्ध छ ।
इलाका प्रहरी कार्यालय मुग्लिनका प्रहरी निरीक्षक विशाल तामाङका अनुसार पहिरो खस्ने क्रम जारी रहेकाले आज बिहान पनि पहिरो पन्छाउने काम सुरु हुन सकेको छैन ।
पहिरो झर्ने क्रम जारी रहेकाले जोखिमका कारण मेसिन चलाउन नसकिएको तामाङको भनाइ छ । हिजोदेखि सडक अवरुद्ध हुँदा यात्रुहरुले सास्ती व्यहोरेका छन् ।
काठमाडौंबाट चितवन तर्फ गएका ठूला सवारीसाधन मुग्लिन र कुरिनटार क्षेत्रमा तथा नारायणगढबाट काठमाडौं, पोखरातर्फ जाँदै गरेका सवारीसाधन जलबीरे, जुगेडी क्षेत्रमा रोकिएका छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
