Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । धरानमा डेंगीको संक्रमणबाट एक जना महिलाको निधन भएको छ । धरान–१७ की ती महिलाको जेठ २३ गते निधन भए पनि हिजो बुधबारमात्रै मृत्युको कारण डेंगी संक्रमण भएको पुष्टि भएको कान्तिपुर टेलिभिजनले जनाएको छ ।
मृतक महिलाको घरमा पुगेर अनुसन्धान गर्दा डेंगी पुष्टि भएको धरान उपमहानगरपालिकाका स्वास्थ्य महाशाखा प्रमुख उमेश मेहेताले जानकारी दिएका छन् । एडिस एजिप्टाई जातको पोथी लामखुट्टेको टोकाइबाट मानिसमा सर्ने डेंगु ज्वरोले धरानमा मात्रै दैनिक ५० भन्दा बढी बिरामी भेटिने गरेको मेहेताको भनाइ छ ।
दुई महिना अघिदेखि देखिन थालेको डेंगुको संक्रमण जेठ अन्तिम सातादेखि तीव्र रुपमा फैलिएको छ । चार वर्षअघि पनि धरानमा डेंगुको महामारी फैलिएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
