काठमाडौँ । दक्षिण भारतीय अभिनेता प्रभास स्टारर फिल्म ‘आदिपुरुष’ काठमाडौं उपत्यकाभित्रका हलमा पनि प्रदर्शनमा आएको छ ।
काठमाडौं उपत्यकामा ११ बजेदेखि नेपालको ठूलो मल्टिप्लेक्स चेन क्यूएफएक्सले फिल्म प्रदर्शनमा ल्याएको हो । बिहीबार ‘जानकी भारतीय छोरी हुन्’ भन्ने संवादलाई लिएर विवाद भएसँगै शुक्रवारको बिहानी शो रद्द गरिएको थियो ।
दर्शकको सुरक्षालाई मध्येनजर गर्दै बिहानी शो संचालन नभएपनि ११ बजेपछिका शोहरु संचालन भइरहेको क्यूएफएक्सकी बजार प्रबन्धक तृप्ती गिरीले जनाएकी छन् ।
बिहीवार सेन्सर बोर्डले फिल्ममा विवादित संवादमा आपत्ति जनाउँदै प्रदर्शन अनुमति दिन अस्वीकार गरेको थियो । फिल्मबाट विवादित संवाद हटाएर आएपछि मात्र बोर्डले अनुमति दिएको थियो ।
उक्त संवाद भारतबाट पनि नहटेसम्म काठमाडौंमा हिन्दी फिल्म प्रदर्शनमा रोक लगाउने काठमाडौं महानगरपालिकाका मेयर बालेन शाहले चेतावती दिएसँगै फिल्मको चर्चा थप चुलिएको थियो ।काठमाडौंसहित देशभरका हलमा पनि फिल्म प्रदर्शनमा आएको छ ।