Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । प्रधानमन्त्री पुष्पकमल दाहाल (प्रचण्ड) लाई भेट्न नेकपा एकीकृत समाजवादीका शीर्ष नेताहरू बालुवाटार पुगेका छन् । अध्यक्ष माधवकुमार नेपाल, सम्मानित नेता झालनाथ खनाल, महासचिव घनश्याम भुसाल र नेता प्रकाश ज्वाला प्रधानमन्त्री भेट्न बालुवाटार पुगेका हुन् ।
बालुवाटार स्रोतले अहिले प्रधानमन्त्री र समाजवादीका नेताहरुबीच छलफल भइरहेको जनाएको छ । सरकारमा सहभागी हुने तयारी गरिरहेका एकीकृत समाजवादीले गृहसहित तीन मन्त्रालय पाउनुपर्ने दाबी गर्दै आएको छ ।
तर गृह मन्त्रालय भने माओवादी केन्द्र आफैले राख्ने बताउँदै आएको छ । गृहको दाबी गरे पनि सहमतिमा अन्य कुनै तीन मन्त्रालय पाए सहमति जुट्ने नेताहरूले बताएका छन् । आजै साँझ ४ बजे सत्ता गठबन्धनको बैठक बस्दैछ ।
बैठकमा सहमति भए आजै मन्त्रिमण्डल विस्तार गर्ने प्रधानमन्त्री प्रचण्डको तयारी छ । केन्द्रमा तीन मन्त्री र सातै प्रदेशमा एक एकजना भएपनि मन्त्री र एक प्रदेशको मुख्यमन्त्री पाउनुपर्ने र यो विषयमा प्याकेजमा सहमति गर्नुपर्ने नेकपा एकीकृत समाजवादीले बताउँदै आएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
