Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । सुदूरपश्चिमका नवनियुक्त मुख्यमन्त्री कमलबहादुर शाहले पद तथा गोपनीयताको शपथ लिएका छन् । प्रदेश प्रमुखको कार्यालयमा आज दिउँसो आयोजित विशेष समारोहबीच उनले प्रदेश प्रमुख देवराज जोशीबाट शपथ लिएका हुन् ।
शाह हिजो साँझ संविधानको धारा १६८ को उपधारा (३) अनुसार ठुलो दलको हैसियतमा मुख्यमन्त्रीमा नियुक्त भएका थिए ।
संविधानको धारा १६८ को उपधारा (२) अनुसार पुस २७ मा एमाले, माओवादी केन्द्र, नागरिक उन्मुक्ति पार्टी (नाउपा) र राप्रपाको समर्थनमा मुख्यमन्त्रीमा नियुक्त भएका राजेन्द्रसिंह रावलले प्रदेशसभाबाट विश्वासको मत पाउन नसकेपछि प्रदेश प्रमुखसमक्ष राजीनामा बुझाएका थिए ।
उनले राजीनामा बुझाएलगत्तै शाहलाई प्रदेश प्रमुख जोशीले मुख्यमन्त्रीमा नियुक्त गरेका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
