
Apr 06 2025 | २०८१, चैत २४ गते
काठमाडौं । हेटौँडामा करेन्ट लागेर एक युवकको ज्यान गएको छ । हेटौँडा–१७ स्थित कर्रा जोडधारा खोलामा माछा मार्नको लागि विद्युत मिलाउने क्रममा अचानक करेन्ट लाग्दा सोही ठाउँका १८ वर्षीय अमृत तामाङको मृत्यु भएको हो ।
करेन्ट लागेर सख्त घाइते तामाङको हेटौँडा अस्पतालमा उपचारको क्रममा मृत्यु भएको प्रहरी नायब उपरीक्षक टेकबहादुर कार्कीले जानकारी दिए । उनका अनुसार आइतबार राति साढे ९ बजे तामाङ माछा मार्न खोलामा गएका थिए । घटनाको सम्बन्धमा अनुसन्धान भइरहेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij