Apr 30 2025 | २०८२, वैशाख १७ गते
Apr 30 2025 | २०८२, वैशाख १७ गते
काठमाडौं । सुनको मूल्य उच्च बिन्दुमा पुगेपछि सुनको कारोबार प्रभावित भएको छ । मूल्य वृद्धि भएसँगै नयाँ गहनाको बिक्री ठप्प जस्तै भएको नेपाल सुनचाँदी व्यवसायी महासंघले जानकारी दिएको छ ।
महासंघका महासचिव धर्मसुन्दर बज्राचार्यका अनुसार मंगलबारको मूल्यले सुनको कारोबार ठप्प जस्तै भएको छ । अति आवश्यक परेका बाहेकले सुन खरिद नगरेको उनले बताए । महासचिव बज्राचार्यले अन्तर्राष्ट्रिय बजारमा डलर कमजोर हुँदा सुनमा हुने लगानी बढ्दा सुनको मूल्य बढेको जनाएका छन् ।
सरकारले अहिले दैनिक १० किलो सुन आयातको कोटा तोकेको छ । नेपालमा रहेका करिब ८ हजार सुन पसलले दैनिक २० किलो हाराहारी सुन खपत गर्ने महासंघको भनाइ छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
