निर्वाचनमा खटिने कर्मचारीलाई खास सुविधा

काठमाडौं/ निर्वाचन आयोगले स्थानीय तह निर्वाचन, २०७९ का लागि खटिने कर्मचारीकाे बीमा प्रक्रिया सुरु गरेको छ । आयोगका पदाधिकारी तथा निर्वाचनमा खट्ने एक लाख १० हजार ७१३ जना कर्मचारीका लागि बीमा प्रस्ताव आह्वान गरेको आयोगले जनाएको छ ।

निर्वाचन अवधिमा खटिने कर्मचारीको २० लाख बीमाका लागि तयारी गरिएको निर्वाचन आयाेगले जनाएको छ । निर्वाचन आयोगका प्रवक्ता शालिग्राम शर्मा पौडेलले फागुन १६ गतेभित्र आइपुग्ने गरी बीमा कारोबार गर्ने संस्थाबाट प्रस्ताव आह्वान गरिएको जानकारी दिएका छन् । निर्वाचनमा मतदान, मतगणना र अन्य प्राविधिक कार्यका लागि मात्रै करिब दुई लाख ५० हजार कर्मचारी नियुक्त हुनेछन् ।

आयोगका सहायक प्रवक्ता सूर्यप्रसाद अर्यालका अनुसार निर्वाचनमा खटिने कर्मचारीको जनही २० लाख रुपियाँको बीमा हुनेछ । निर्वाचन आयोग ऐन, २०७३ को दफा ३६ ले आयोगले निर्वाचनको काममा संलग्न पदाधिकारी, कर्मचारी वा शिक्षकको निर्वाचन अवधिभर हुने दुर्घटनाका लागि बीमा गरिदिनुपर्ने उल्लेख छ ।

आयोगका अनुसार मुख्य निर्वाचन अधिकृत र निर्वाचन अधिकृतको कार्यालयमा खट्ने छ हजार ७७७ जना कर्मचारीका लागि ७० दिन, मतदान केन्द्रमा खट्ने ९४ हजार कर्मचारीका लागि १५ दिन र मतगणनामा खटिने नौ हजार ३६ जना कर्मचारीका लागि १० दिनका लागि बीमा गर्नुपर्नेछ ।

निर्वाचनमा खटिने कर्मचारीलाई खास सुविधा

निर्वाचनमा खटिने कर्मचारीलाई खास सुविधा

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय