Jun 23 2025 | २०८२, असार ९ गते
Jun 23 2025 | २०८२, असार ९ गते
ललितपुर । प्रहरी परिसर ललितपुरले बेवारिसे अवस्थामा फेला परेका विभिन्न भगवानका मूर्ति, मुकुण्डो र धार्मिक ग्रन्थगरि ४८ थान ऐतिहासिक सामग्री पुरातत्व विभागलाई हस्तान्तरण गरेको छ ।
महानगरीय प्रहरी परिसर ललितपुरका प्रमुख वरिष्ठ प्रहरी उपरिक्षक यज्ञबिनोद पोखरेलले मूर्तिहरु पुरातत्व विभागकी अधिकृत सबिता न्यौपाने (पौडेल) लाई हस्तान्तरण गरेका हुन् ।
 (1).gif)
प्रहरी परिसर ललितपुरका प्रवक्ता प्रहरी उपरिक्षक सिद्धि विक्रम शाहका अनुसार विभिन्न माध्ययमबाट संकलित ती मूर्तिहरु लामो समयदेखि संरक्षण गरी राखिएको थियो । संकलित ती मूर्तिलाई संरक्षणको जिम्मा पुरातत्व विभागलाई नै भएको हुनाले हस्तान्तरण गरिएको बताए । संरक्षणको जिम्मा लिएका ती सबै मूर्ति तथा ऐतिहासिक सामग्री प्रमाणसहित दाबी गर्न आएमा सम्बन्धित व्यक्ति वा संस्थालाई नै जिम्मा लगाइने पुरातत्व विभाग अधिकृत न्यौपानेले अनलाइन पत्रिकालाई बताइन् ।
यसैबीच, हराएको बालकुमारी मूर्ति केही समय अगाडी हात्तीवनमा फेला परेको थियो । बालकुमारी मूर्ति हस्तान्तरण गर्दै एसएसपी पोखरेलले भनेका थिए, ‘मूर्ति फेला परेर म खुशी बन्न सकेको छैन, जबसम्म चोर फेला पर्दिन तबसम्म हामी सक्रिय रहनेछौं ।’ एसएसपीको यो वाचालाई सुनाकोठीवासीले सम्झिरहेका छन् । प्रहरी स्रोतका अनुसार मूर्ति फेला परेपनि चोरको खोजी भइरहेको र चाँडै सक्कली चोर फेला पर्नेछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
