Apr 18 2025 | २०८२, वैशाख ५ गते
Apr 18 2025 | २०८२, वैशाख ५ गते
काठमाडौँ । सभामुख अग्निप्रसाद सापकोटाको विशेष पहलमा सिन्धुपाल्चोकका बाढीपहिरो प्रभावित चार स्थानीय तहलाई राहत सामग्री हस्तान्तरण गरिएको छ ।
चीन सरकार, तिब्बत स्वशासित क्षेत्र अन्तरगतको नेलम काउन्टीले प्रदान गरेको राहत सामग्री उहाँले शुक्रबार लार्चास्थित सुख्खा बन्दरगाहामा आयोजित कार्यक्रममा भोटेकोशी, जुगल, बाह्रविसे र चौतारा स्थानीयतहका प्रमुख तथा प्रतिनिधिलाई हस्तान्तरण गर्नुभएको हो ।
सो अवसरमा सभामुख सापकोटाले प्राप्त सबै सामग्रीको सही तरिकाले वितरण गर्न स्थानीय तहलाई आग्रह गर्नुभयो । सामग्रीमा २४० सुतिको पाल, तीन ÷तीन सय ब्ल्याङ्केट उच्च क्षमताका टर्च लाइट रहेका छन् । यस वर्षको बाढी पहिरोका कारण स्थानीय तहले व्यहोरेको क्षतिलाई आधार मानेर सामग्री हस्तान्तरण गरिएका हुन् ।
बाढी पहिरोबाट सबैभन्दा धेरै क्षति भएको बाह्रविसे नगरपालिकालाई ८० पाल, ९५ ब्ल्याङ्केट, ९५ टर्च लाइट, जुगल गाउँपालिकालाई ७० पाल, ८० ब्ल्याङ्केट र ८० टर्च लाइट, भोटेकोशी गाउँपालिकालाई ५५ पाल, ७० ब्ल्याङ्केट र ७० टर्च लाइट ,चौतारा साँगाचोकगढी नगरपालिकालाई ३५ पाल, ५५ ब्ल्याङ्केट र ५५ थान टर्च लाइट शुक्रबार प्रदान गरिएको छ । राुसस
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
