Apr 06 2025 | २०८१, चैत २४ गते
Apr 06 2025 | २०८१, चैत २४ गते
ललितपुर— संयुक्त राज्य अमेरिकामा गत दुई साता उताको तुलनामा बालबालिकामा कोरोनाभाइरसको संक्रमण ३२ प्रतिशतले बढेको देखिएको छ ।
इजरायलमा पनि बालबालिकामा संक्रमण बढ्न थालेपछि खोप दिन थालिएको छ । एसोसिएसनका अनुसार नोभेम्बर ४ मा सप्तान्त हुँदा संक्रमित हुनेको संख्या १ लाख ७ हजार रहेको थियो । यो संख्या अमेरिकाको एक साताको केसलोडको एक चौथाइ हो । अमेरिकन एकेडेमी अफ पिडियाट्रिक्स एण्ड चिल्ड्रेन्स हस्पिटल एसोसिएसनका अनुसार नोभेम्बर ११ देखि १८ सम्ममा मात्रै १ लाख ४० हजार बालबालिकामा कोरोना संक्रमण भएको पाइएको छ । इजरायलमा ५ देखि ११ वर्ष उमेरका बालबालिकालाई खोप लगाउन सुरु गरिएको छ । प्रा. डा.ओलियरीका अनुसार विद्यालयहरु सबै खुलेको र त्यहाँ संक्रमण रोक्ने व्यवस्था कार्यान्वय फितलो भएका कारण पनि संक्रमण फैलिएको हुनसक्छ । ‘बालबालिकालाई खोप दिने हो भने मात्रै विद्यालयलाई खुला राख्न सकिन्छ,’ उनले भने ।
ह्वाइट हाउसका अनुसार नोभेम्बर १० सम्ममा करिब १० लाख बालबालिकाले खोप प्राप्त गरिसकेका छन् भने २ करोड ८० लाखजना खोप लगाउनका लागि योग्य छन् । उनीहरुले वयस्कले पाउने भन्दा एकपटकमा एकतिहाई डोज मात्र प्राप्त गर्छन् र तीन साताको फरकमा दोस्रो डोज पनि लगाउन योग्य हुन्छन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
