Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । दिल्लीमा भारतीय प्रधानमन्त्री नरेन्द्र मोदीलाई मार्छु भन्दै फोन गर्नेलाई प्रहरीले पक्राउ गरेको छ । फोनमा प्रधानमन्त्री मोदीलाई ज्यान मार्ने धम्की दिने सलमान नाम गरेका २२ वर्षिय पुरुषलाई प्रहरीले पक्राउ गरेको हो ।
दिल्ली प्रहरीका अनुसार सलमानले प्रहरीलाई फोन गरेर ‘म प्रधानमन्त्री मोदिलाई मार्दिन्छु’ भनेका थिए । सलमानको उक्त फोन पछि प्रहरीले अनुसन्धान शुरु गरेको थियो । अनुसन्धानमा सलमान भर्खरै जेलबाट बेलमा छुटेको कुरा पत्ता लाग्यो । त्यसपछि तत्कालै प्रहरीले सलमानलाई पक्राउ गरेर अनुसन्धान गर्यो।
सोदपुछमा सलमानले आफुलाई जेल भित्र जान परेको र प्रहरीलाई फोन गरेको बताएका छन् । सलमान किन जेल जान चाहान्छन् भन्ने बारे पनि सोधपुछ भइरहेको प्रहरीले जनाएको छ । प्रहरीले घटनाबारे थप अनुसन्धान गरिरहेको बताएको छ ।
त्यस्तै २०२० को नेभेम्बरमा पनि मोदीलाई ज्यान मार्ने धम्की आएको थियो ।प्रहरीले आरोपितलाई पक्राउ गरेको छ। आरोपीललाई पक्राउ गरेको थियो । पक्राउ परेका व्यक्तिले आफू नशामा भएका कारण के के भने भन्ने बारे थाहा नभएको बताएका थिए । एजेन्सी
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
