Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । पाकिस्तानले बलात्कारीलाइ नपुंसक बनाउने कानुन ल्याउने तयारी गरेको छ। घटनामा दोषी प्रमाणित भए रसायनिकरूपमा नपुंसक बनाउन सकिने प्रावधान सहित उक्त कानुन ल्याइएको हो ।
पाकिस्तानका राष्ट्रपति आरिफ अल्बीले अध्यादेश जारी गरेका हुन् । अबको चार महिना भित्र पाकिस्तानका प्रधानमन्त्रीले उक्त कानुनलाई संसदबाट पास गरेपछि कानुन कार्यन्वयनमा आउनेछ। कानुनमा बलात्कारसम्बन्धी मुद्धा हेर्न फास्ट ट्रयाक अदालतको गठन गरिनेछ बताइएको छ । उक्त अदालतले चार महिनापछि आफ्नो फैसला सुनाउन सक्नेछ।
यसअघि पाकिस्तानका प्रधानमन्त्री इमरान खानको सरकारले यससम्बन्धी अध्यादेशलाई गत महिना स्वीकृति दिएको थियो । विश्वमा इन्डोनेशिया, पोल्यान्ड लगायतका देशले यस्ता कानुन बनाइसकेका छन् । सन् २००९ मा पोल्यान्ड र सन् २०१६ मा इन्डोनेशियाले यस्ता कानुन बनाएका थिए ।
एक महिलाको राजमार्गमा सामुहिक बलात्कार भएपछि पाकिस्तानभर त्यसको विरोध भएको थियो । ति महिला आफ्ना दुई बच्चासहित लाहौरतर्फ आइरहेकी थिइन् । घटनाको दोश्रो दिन आफ्ना दुई सन्तानका अगाडि बलात्कृत भएकी महिला पनि दोषी भएको बयान लाहौरका शीर्ष प्रहरी अधिकारीले दिएका थिए।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
