Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौ । नेपाली राजनीतिमा निष्कलकं नेता मानिन्छन्, मोहन वैद्य ‘किरण’ । दस वर्षे सशस्त्र संघषर््पछि तत्कालीन माओवादीका नेताले सत्ताको स्वाद चाखे पनि उनले कहिल्यै त्यसको लालमा देखाएनन् । संविधानसभाको सदस्य बने पनि उनी केही समयमै त्यहाँबाट बाहिरिए । प्रचण्डले जनयुद्दको मर्म विपरीत पार्टी सञ्चालन गरेको भन्दै अलग पार्टी निर्माण गरे पनि त्यसको आकार लिन सकेन । बरु, त्यसमा पनि टुटफुट र विभाजन आयो । तैपनि मोहन वैद्य र्‘किरण’ हारेका छैनन् । सानै समूह किन नहोस, निष्ठा र मूल्यको राजनीति स्थापित गर्न कमरेड ‘किरण’ ले नेकपा (क्रान्तिकारी माओवादी) हाँकिरहेका छन् । तर यो दलको गतिविधि खासै छैन् ।
साना समूहमा खुम्चिएर कमजोर बनेको नेकपा (क्रान्तिकारी माओवादी) विचार, राजनीतिक कार्यदिशा र सिद्दान्त मिल्ने दलसँग एकतक गर्ने भएको छ । यो पार्टीको पोलिटब्युरो समितिको हालै बसेको बैठकले विचार मिल्ने अन्य दलसँग एकता गर्ने निर्णय गरेको हो ।
साना २२ दलसँग कार्यगत एकता गर्दै आएको आफ्नो दलले विचार मिल्ने दलसँग एकता गर्न निर्णय गरेको यसका नेता सीपी गजुरेलले बताए । गजुरेलका अनुसार, कुन– कुन दलसँग एकता गर्ने भन्नेबारे अब छलफल हुनेछ ।निष्कर्ष निस्किएपछि त्यस्ता दलसँग क्रान्तिकारी माओवादीले पार्टी एकता गर्ने नीति लिएको छ । वैद्य माओवादीका नेता सीपी गजुरेल स्वयंले त्यस्तो सम्भावना रहेको खुलासा गरेका हुन् । नेकपाको जारी विवाद राजनीतिकभन्दा स्वार्थको उपज भएको विश्लेषण पनि वैद्य माओवादीको छ । नेकपा विभाजन हुनसक्ने चिन्ता स्वयं त्यसका नेताहरुले गरिरहेका बेला वैद्य समूहको विश्लेषण पनि अलि फरक छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
