Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । भारतको महाराष्ट्रमा लकडाउन दुई साताको लागि थपिएको छ । कोरोनाभाइरसको संक्रमण तिव्र गतिमा बढेपछि फेरि ३१ मेसम्मका लागि लकडाउन थपिएको हो । यसअघि महाराष्ट्रमा आजसम्मको लागि लकडाउन जारी रहेको थियो ।
कोरोना संक्रमित बढ्दै जाने क्रम नरोकिए पछि महाराष्ट्र सरकारले लकडाउनको समयावधि थप गर्ने निर्णय गरेको हो । लकडाउनको अवधिभर अत्यावश्यक बाहेकका सबै सेवा बन्द रहेका छन् ।
महाराष्ट्रमा पछिल्लो २४ घण्टामा ४६ हजार बढीमा कोरोना संक्रमण देखिएको छ भने ८ सय १६ जनाले ज्यान गुमाएका छन् ।
भारतमा पछिल्लो २४ घण्टामा ३ लाख ६२ हजार ४ सय ६ जनामा कोरोना संक्रमण देखिएको छ । हालसम्म भारतमा कोरोना संक्रमितको कुल संख्या २ करोड ३७ लाख २ हजार ८ सय ३२ पुगेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
