Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । विश्वका विभिन्न देशमा पछिल्लो समय कोरोनाभाइरसको संक्रमण बढिरहेको छ । विभिन्न देशमा नयाँ भेरियन्टसहितको कोरोनाभाइरस देखिएको छ । कोरोना संक्रमणका बीच विभिन्न देशमा कोरोना खोप पनि लगाइएको छ । वर्ल्डोमिटर्सको तथ्यांक हेर्दा अहिले भारत लगायत केही देशमा संक्रमितको संख्या तिव्र रुपमा बढेको देखिन्छ ।
वर्ल्डोमिटर्सको तथ्यांक अनुसार विश्वभर कोरोना संक्रमितको संख्या १५ करोड ९५ लाख ९६ हजार ६ सय ६ पुगेको छ भने कोरोना संक्रमणबाट ज्यान गुमाउनेको संख्या ३३ लाख १७ हजार ४ सय ९२ पुगेको छ ।
त्यस्तै हालसम्म विश्वमा १३ करोड ७२ लाख ५९ हजार ८ सय ६४ कोरोना संक्रमित उपचारपछि निको भइसकेका छन् । त्यस्तै अमेरिकामा मात्र कोरोनाको संक्रमणबाट ५ लाख ९६ हजार १ सय ७९ जनाको मृत्यु भएको छ भने संक्रमितको संख्या ३ करोड ३५ लाख १५ हजार ३ सय ८ पुगेको छ । यस्तै अमेरिकामा २ करोड ६५ लाख ७ हजार ४ सय २७ कोरोना संक्रमित निको भइसकेका छन् ।
त्यस्तै ब्रजिलमा कोरोनाको संक्रमणबाट मुत्यु हुनेको संख्या ४ लाख २३ हजार ४ सय ३६ पुगेको छ भने संक्रमितको संख्या १ करोड ५२ लाख १४ हजार ३० पुगेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
