Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । म्यानमारको सेनाले सैन्य ‘कू’ विरुद्ध प्रदर्शन गर्ने कम्तीमा १२ जनाको हत्या गरेका छन् । हिजो (बिहीवार)भएको प्रदर्शनमा सैन्यशासकहरूले कम्तीमा १२ जना प्रदर्शनकारीको हत्या गरेको अन्तर्राष्ट्रिय सञ्चारमाध्यामहरुले जनाएका छन् । सैन्य शासक शान्तिपूर्ण प्रदर्शनकारीको दमन मानवताविरुद्धको अपराधको हदमा पुगेको संयुक्त राष्ट्रसंघले जनाएको छ ।
सामाजिक सञ्जालमा पोस्ट गरिएका तस्वीरमा शहरका सडकहरू रगतपच्छे भएको र शरीरहरू यत्रतत्र छरिएको देखिन्छ । गत फेब्रुअरी १ मा भएको सैन्य कू पछि म्यानमारका विभिन्न भागमा भएका शान्तिपूर्ण प्रदर्शनमाथि सेनाले क्रूर दमन गरिरहेको छ ।
देशको लोकतान्त्रिक आमनिर्वाचनका परिणामलाई सेनाले अवैध ठहर गर्दै कू गरेपछि कम्तीमा ८० जनाले ज्यान गुमाइसकेको र सयौं मानिस घाइते भएको संयुक्त राष्ट्रसंघको मानवअधिकार कार्यालयले जनाएको छ । हालै सेनाको हिरासतमा राहेका चार जनाको ज्यान गएको छ । कू भएयता दुई हजारभन्दा बढी मानिसलाई थुनामा राखिएको छ । उनीहरूलाई परिवार र इष्टमित्रको सम्पर्कमा आउन दिइएको छैन । म्यानमारको सरकारी पत्रिकाले एक विज्ञप्ति जारी गर्दै प्रदर्शनकारीमाथि न्यूनतम बल प्रयोग गरिएको बताएको छ । एजेन्सी
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
