सरकारले राम्रोसँग काम गरिदिएको भए आज सडकमा कोही पनि निस्कनु पर्ने थिएन ।’ ः रवीन्द्र मिश्र

काठमाडौं । नवगठित साझा विवेकशील पार्टीका अध्यक्ष रवीन्द्र मिश्रले हाल राजतन्त्रको पक्षमा भइरहेका आन्दोलनलाई ‘प्रतिगमन सल्बलाएको’ भनेर पन्छाउन नमिल्ने बताएका छन् । गणतन्त्रवादीहरुको भ्रष्ट चरित्र र लायकीपनले गर्दा जनताको असन्तुष्टि सडकमा पोखिएको उनको भनाइ छ ।

साझा पार्टी र विवेकशील नेपाली दलबीच एकताको घोषणा कार्यक्रममा मिश्रले संवैधानिक अधिकारको प्रयोग गरेर भएका शान्तिपूर्ण आन्दोलनलाई सम्मान गर्नुपर्ने बताए । मिश्रले भने, ‘दृष्टिकोण मिले पनि नमिले पनि शान्तिपूर्ण रुपमा हुने आन्दोलनलाई सम्मान गर्नुपर्छ । दुई तिहाई मत ल्याएर सर्वशक्तिमान बनेको सरकारले राम्रोसँग काम गरिदिएको भए आज सडकमा कोही पनि निस्कनु पर्ने थिएन ।’

राजतन्त्र लगायतका कयौं विषयमा आफ्नो पार्टीभित्र फरक–फरक मत रहेको र त्यसलाई महाधिवेशनमार्फत टुंगो लगाउने उनले बताए । उनले थपे, ‘पक्ष र विपक्षमा साथीहरु हुनुहुन्छ । बहस र छलफल हुन्छन् । उदार लोकतन्त्रमा, बहुलवादी लोकतन्त्रमा विश्वास गर्ने हो भने सबै दृष्टिकोणलाई सम्मान गर्नुपर्छ ।’

साझा र विवेकशील पार्टीबीच आज एकता भएर विवेकशील साझा पार्टी निर्माण भएको छ । उक्त पार्टीमा मिश्र अध्यक्ष र मिलन पाण्डे संयोजक छन् । कोरोनाका कारण एकताको घोषणा भर्चुअल माध्यमबाट भएको थियो ।

सरकारले राम्रोसँग काम गरिदिएको भए आज सडकमा कोही पनि निस्कनु पर्ने थिएन ।’ ः रवीन्द्र मिश्र

सरकारले राम्रोसँग काम गरिदिएको भए आज सडकमा कोही पनि निस्कनु पर्ने थिएन ।’ ः रवीन्द्र मिश्र

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय