कार्यक्रम क्यान महासंघ कोशी प्रदेशका अध्यक्ष सन्देश राईको अध्यक्षता तथा सूचना प्रविधि क्षेत्रका स्थापित लिडर एवं मुख्य वक्ता क्यान महासंघका कार्यवाहक अध्यक्ष चिरञ्जीवी अधिकारीको प्रमुख उपस्थितिमा भएको हो ।
कोशीको प्रविधि इकोसिस्टमका लागि नेतृत्वकर्ताहरूको एकीकृत संकल्पःरणनीतिक खाकाको प्रशंसाः क्यान महासंघका केन्द्रीय सचिव ठाकुर कुमार श्रेष्ठले आईटी लिडर अधिकारीद्वारा विकसित गरिएको अवधारणात्मक खाकाको प्रशंसा गरे ।
क्यान महासंघ कोशी प्रदेशका अध्यक्ष सन्देश राईले आफ्नो नेतृत्वदायी मन्तव्य राख्दै भने, ‘कोशी क्षेत्र आफैमा एक क्षेत्रीय आईटी हब हो र यस क्षेत्रका प्रत्येक सरोकारवालाहरूसँग समन्वय र सहकार्य गर्न हामी पूर्ण रूपमा तयार छौँ ।’
स्थानीय प्रतिभा र स्टार्टअपको प्रवद्र्धनः क्यान महासंघ मोरङका अध्यक्ष सुमित कुमार शाहले मानवीय पूँजीको महत्त्वमा जोड दिँदै भने, ‘हामीले नीतिगत बहस र पैरवी मार्फत यस क्षेत्रका स्थानीय प्रतिभा र प्रविधि स्टार्टअपहरूलाई बढावा दिनुपर्छ।’
उद्यमशीलताको विकासः क्यान महासंघ सुनसरीका अध्यक्ष लोकेन्द्र प्रसाद ढकालले भने, ‘नेपालमा दिगो प्रविधि इकोसिस्टम निर्माण गर्न स्थानीय स्तरका आईटी व्यवसायी र उद्यमीहरूलाई प्रवद्र्धन गर्नु नै मुख्य कडी हो।’
