पश्चिम एसिया युद्ध : तेलको मूल्यमा उछाल, सेयर बजारमा पहिरो

काठमाडौं। पश्चिम एसियामा जारी इजरायल-इरान युद्ध थप भयावह मोडमा पुगेसँगै सोमबार अन्तर्राष्ट्रिय बजारमा कच्चा तेलको मूल्यमा भारी वृद्धि भएको छ। इरान समर्थित हुथी विद्रोहीहरू सिधै युद्धमा होमिएपछि र रणनीतिक जलमार्गहरू अवरुद्ध भएपछि विश्वव्यापी ऊर्जा संकट चुलिएको हो।

सोमबार बिहानैदेखि तेलको मूल्यमा तीव्र वृद्धि देखिएको छ। ब्रेन्ट क्रुड (Brent crude) को मूल्य २.८१ प्रतिशतले बढेर प्रति ब्यारल११५.७३ अमेरिकी डलर पुगेकोबीबीसीले जनाएको छ । त्यस्तै, अमेरिकी वेस्ट टेक्सस इन्टरमिडिएट (WTI) ३.१४ प्रतिशतले वृद्धि भई १०२.७७ डलर कायम भएको छ।

फेब्रुअरी २७ मा प्रति ब्यारल ७२ डलर रहेको तेलको मूल्य एक महिनामै ११५ डलर नाघ्नुले विश्वभर महँगी अझै बढ्ने र आपूर्ति शृङ्खला बिग्रने संकेत देखिएको छ।

यसको प्रत्यक्ष असर एसियाली सेयर बजारमा परेको छ। जापानको निक्केई २२५ मा ४.५ प्रतिशत र दक्षिण कोरियाको कोस्पी मा ४ प्रतिशतको गिरावट आएको छ।

इजरायली रक्षा बल (IDF) ले इरानको राजधानी तेहरानका विभिन्न स्थानमा शक्तिशाली हवाई आक्रमण गरेको छ। इरानको विद्युतीय पूर्वाधारमा क्षति पुगेपछि तेहरान र अल्बोर्ज प्रान्तका केही भागमा बिजुली काटिएको छ।

इजरायलको औद्योगिक क्षेत्र 'नियोत होभभ' मा मिसाइलका छर्राका कारण भीषण आगलागी भएको छ।अमेरिकी राष्ट्रपति डोनल्ड ट्रम्पले 'फाइनान्सियल टाइम्स' सँगको अन्तर्वार्तामा इरानको प्रमुख तेल निर्यात केन्द्र खार्ग टापु (Kharg Island) कब्जा गर्न सक्ने चेतावनी दिएका छन्। उनले यसलाई भेनेजुएलाको तेल उद्योगमाथिको अमेरिकी नियन्त्रणसँग तुलना गरेका छन्। हालै थप ३ हजार ५०० अमेरिकी सैनिक मध्यपूर्व पुगेको बताइएको छ ।

यसैबीच, इरानले विश्वकै महत्त्वपूर्ण जलमार्ग स्ट्रेट अफ हर्मुजबाट हुने ढुवानी ठप्प पार्ने धम्की दिएपछि खाडी क्षेत्रबाट हुने तेल र ग्यास आपूर्तिमा गम्भीर अवरोध सिर्जना भएको छ।

इरानी संसद्का सभामुखले आफ्ना सेनाहरू अमेरिकी सैनिकको प्रतिक्षामा रहेको बताएका छन् । जसका कारण थप यद्ध चर्किँदै जाने त्रास उत्पन्न भएको खबर आएका छन् ।

यद्ध चर्किँदै गए पनि पाकिस्तानका विदेशमन्त्रीले इरान र अमेरिकाबीच शान्ति वार्ताका लागि अझै पनि विश्वासको वातावरण बाँकी रहेको दाबी गरेका छन्। यद्यपि, कुवेत र साउदी अरबमा रहेका अमेरिकी सैन्य आधार शिविरहरूमा समेत क्षति पुगेको खबरले स्थिति थप जटिल बनाएको छ।

पश्चिम एसिया युद्ध : तेलको मूल्यमा उछाल, सेयर बजारमा पहिरो

पश्चिम एसिया युद्ध : तेलको मूल्यमा उछाल, सेयर बजारमा पहिरो

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय