Jun 09 2026 | २०८३, जेठ २६ गते
Jun 09 2026 | २०८३, जेठ २६ गते
काठमाडौं । आज नेपाली महिला राष्ट्रिय फुटबल टिमले इन्डोनेसियासँग अन्तर्राष्ट्रिय मैत्रीपूर्ण खेल खेल्दै छ । खेल बुधवार इन्डोनेसियाको मागुवोहर्जो रंगशालामा नेपाली समय अनुसार साँझ सवा छ बजे सुरु हुनेछ । नेपाली महिला टिम थ्री नेसन्स कपका लागि इन्डोनेसिया पुगेको हो ।
फिफा वरीयतामा इन्डोनेसिया नेपालभन्दा पछाडि रहेको छ । यो नेपाल र इन्डोनेसियाबीचको तेस्रो भेट हुनेछ । यसअघिका दुई खेलमा एकपल्ट इन्डोनेसिया विजयी र छ भने एकपल्ट नेपाल विजयी भएको छ ।
सन् १९८९ मा एएफसी वुमेन्स च्याम्पियनसिपमा इन्डोनेसियाले नेपाललाई ८–० ले पराजित गरेको थियो ।
दोस्रो खेल भने सन् २०१९ मा भएको थियो । एएफसी वुमेन्स ओलम्पिक छनोटको खेलमा नेपालले इन्डोनेसियालाई २–१ ले हराएको थियो । जसमा दुवै गोल सावित्रा भण्डारीले गरेकी थिइन् ।
यसपल्ट भने चोटग्रस्त सावित्रा टिममा हुनेछैनन् र उनको स्थानमा एन्जिला सुब्बाले टिमको नेतृत्व गरिरहेकी छन् । प्रतियोगिताको अर्को टिम चिनियाँ ताइपेइ रहेको छ ।
© 2026 All right reserved to onlinepatrika.com | Site By : Sobij
© 2026 All right reserved to onlinepatrika.com | Site By : Sobij
