Sep 04 2025 | २०८२, भदौ १९ गते
Sep 04 2025 | २०८२, भदौ १९ गते
काठमाडौँ । रुसी राष्ट्रपति भ्लादिमिर पुटिनले ट्रम्पले भारत र चीनसँग कडा टोनमा कुरा गरेको आरोप लगाएका छन् ।
बुधबार चीनको विजय दिवस परेडमा भाग लिएपछि मिडियासँग कुरा गर्दै पुटिनले ट्रम्प प्रशासनले एसियाका दुई ठूला शक्तिहरूलाई कमजोर आँकेको आरोप लगाए । उनले भने- 'तपाईं भारत वा चीनसँग यसरी कुरा गर्न सक्नुहुन्न ।
 (1).gif)
अमेरिकाले थप कर र प्रतिबन्ध लगाएर यी देशहरूमाथि दबाब दिन चाहन्छ ।'पुटिनले भारत र चीनको इतिहास आक्रमणले भरिएको छ । यदि यी देशहरूको कुनै नेताले कमजोरी देखाए भने, उनको राजनीतिक करियर समाप्त हुन सक्छ ।
उनले अमेरिकाको मनोवृत्ति पुरानो र रूढीवादी भएको टिप्पणी गरे । पुटिनले भने- 'औपनिवेशिक युग अब समाप्त भइसकेको छ । अमेरिकाले बुझ्नुपर्छ कि यो आफ्ना साझेदारहरूसँग यस्तो भाषामा कुरा गर्न सक्दैन । 'यद्यपि, उनले भविष्यमा तनाव कम हुने र सामान्य राजनीतिक संवाद पुनः सुरु हुने आशा व्यक्त गरे ।
पुटिनको यो टिप्पणी यस्तो समयमा आएको हो जब भारतले रूसी तेल खरिद गर्दा अमेरिकी करको सामना गरिरहेको छ र चीन अमेरिकासँग व्यापार युद्धमा फसेको छ । ट्रम्पले भारतलाई रूसी तेल खरिद गरेको कारण युक्रेन युद्धलाई बढावा दिन रूसलाई समर्थन गरेको आरोप लगाउदै आएका छन् ।
ट्रम्पले आफ्नो करलाई युद्ध समाधान गर्ने हतियार भनेका छन् । ट्रम्पले बुधबार द स्कट जेनिंग्स रेडियो शोमा यो नीतिले अमेरिकालाई बल दिने बताउदै करलाई जादुई हतियार भन्दै यस मार्फत उनले ७ युद्धहरू रोकेको दाबी गरेका थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
