बहुविवाह सम्बन्धी विधेयक संसदमा पेस नै नहुने: अजयकुमार

काठमाडौं । कानुन, न्याय तथा संसदीय मामिलामन्त्री अजयकुमार चौरसियाले बहुविवाहजस्ता सामाजिक मूल्य र मान्यतामा प्रतिकूल असर पार्ने विधेयक संसद्मा पेस नगर्ने प्रतिबद्धता व्यक्त गरेका छन् ।

बुधबार प्रतिनिधि सभाको शून्य र विशेष समयमा सांसदहरूले उठाएका जिज्ञासाको जवाफ दिँदै मन्त्री चौरसियाले समाजमा नकारात्मक प्रभाव पार्ने खालका कानुनी प्रस्ताव अघि नबढाइने स्पष्ट पारे ।

‘समाजलाई नकारात्मक असर पार्ने तथा सामाजिक मूल्य र मान्यतामा प्रतिकूल प्रभाव पार्ने गरी बहुविवाहलगायतको कुनै पनि विधेयक यस सम्मानित सदनमा पेस नहुने प्रतिबद्धता व्यक्त गर्न चाहन्छु,‘मन्त्री चौरसियाले भने ।

बैठकमा सांसदहरूले बहुविवाहलाई मान्यता दिने गरी कानुन बन्न लागेको भन्ने समाचारबारे सरकारको धारणा माग गरेका थिए । केही मिडियामा सरकारले बहुविवाहसम्बन्धी कानुनी मस्यौदा तयार पारेको दाबी गर्दै समाचार प्रकाशित भएपछि आलोचना भएको थियो ।

मन्त्री चौरसियाले विवाह गर्ने उमेरलगायतका केही व्यवस्था हेरफेर गर्न विधेयकलाई विधायन व्यवस्थापन समितिमा पठाइएको जानकारी दिए ।

बहुविवाह सम्बन्धी विधेयक संसदमा पेस नै नहुने: अजयकुमार

बहुविवाह सम्बन्धी विधेयक संसदमा पेस नै नहुने: अजयकुमार

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय