साहित्यिक पत्रकार संघको १९ औँ स्थापना दिवस

काठमाडौं । नेपाल साहित्यिक पत्रकार संघको १९ औँ स्थापना दिवसका अवसरमा ‘हाम्रो पुरुषार्थ’ साहित्यिक त्रैमासिकका सम्पादक शशी पन्थी र ‘भोजपुरिया माटी’ साहित्यिक पत्रिकाका सम्पादक रामप्रसाद साह सम्मानित भएका छन् ।

स्थापना दिवसको उद्घाटन बुधवार नेपाल प्रज्ञा प्रतिष्ठानका कुलपति भूपाल राईले गरेका थिए । त्यस अवसरमा कुलपति राईले साहित्यिक पत्रकारिताले साहित्यिक सर्जक उत्पादन गर्नका निम्ति खेलेको भूमिका महत्त्वपूर्ण रहेको चर्चा गरे ।

नेपाली भाषा साहित्यको उन्नयनमा साहित्यिक पत्रकारिताले ऐतिहासिक योगदान गरेको कदापि भुल्न नसकिने भन्दै उनले समावेशी र समानताको आधारमा साहित्यिक पत्रकारले भूमिका निर्वाह गर्नुपर्ने बताए ।

कार्यक्रममा सम्मानित हुनेलाई प्रज्ञा प्रतिष्ठानका सदस्य सचिव डा‍. धनप्रसाद सुवेदीले दोसल्ला ओढाए । कार्यक्रममा विशिष्ट अतिथि समालोचक ईश्वरचन्द्र ज्ञवालीले संघले साहित्यिक पत्रकारिताको विकासमा पुर्‍याएको योगदानबारे चर्चा गरे ।

विशिष्ट अतिथि वरिष्ठ पत्रकार तथा साहित्यकार पुरुषोत्तम दाहालले साहित्यिक पत्रकारिताको प्रवर्द्धनका लागि सरकारले भूमिका निर्वाह गर्नुपर्ने बताउँदै भाषा ,साहित्य र संस्कृतिको संरक्षणबिना समाज अघि बढ्न नसक्ने बताए ।

साहित्यिक पत्रकार संघको १९ औँ स्थापना दिवस

साहित्यिक पत्रकार संघको १९ औँ स्थापना दिवस

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय