Apr 29 2025 | २०८२, वैशाख १६ गते
Apr 29 2025 | २०८२, वैशाख १६ गते
काठमाडौं । सुदूरपश्चिम प्रदेश सभामा जारी अवरोध हटाउने विषयमा सत्ता गठबन्धन दलबीच छलफल भएको छ।
सभा खुलाउने र निरन्तर सञ्चालन गराउने सम्बन्धमा सत्तारुढ दलहरूले छलफल गरेका हुन् । नेपाली कांग्रेसका प्रमुख सचेतक बिक्रमसिंह धामीका अनुसार बैठकमा सदनलाई अनिर्णयको बन्दी बनाउन नहुने र सरकारले पर्याप्त मात्रामा विजनेस दिनुपर्ने विषयमा छलफल भएको थियो ।
यसैबीच, सभामुख भीमबहादुर भण्डारीले मंगलबार बोलाएको कार्य व्यवस्था परामर्श समितिको बैठक भने सत्तापक्षको अनुपस्थितिका कारण बस्न सकेन । प्रदेश सभा सचिवालयका सचिव देवबहादुर बोगटीका अनुसार, प्रतिपक्षी दलको भने बैठकमा उपस्थिति रहेको थियो । प्रतिपक्षी दलले फजुल खर्च कटौती, राजनीतिक नियुक्ति र सुशासनको माग गर्दै प्रदेश सभामा अवरोध जारी राखेका छन् ।
यस्ता विषयमा सहमति कायम गर्न पटक–पटक बैठक बसेपनि निष्कर्षमा पुग्न सकेको छैन । सोमवार बसेको सर्वदलीय बैठक पनि बिनानिष्कर्ष टुंगिएको थियो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
