Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । नेपालमा लगानीका लागि अनुकूल वातावरण सिर्जना हुँदै गएको अर्थमन्त्री विष्णु पौडेलले बताएका छन् । सिंहदरबारमा बुधबार बसेको प्रतिनिधिसभाको अर्थ समिति बैठकमा बोल्दै उनले यस्ताो धारणा राखेका हुन् ।
सार्वभौम क्रेडिट रेटिङमा नेपालमा लगानीका निम्ति अनुकूल वातावरण सिर्जना भएको सन्देश विश्वसमुदायमा गएको उनको भनाइ थियो । अहिले मुलुकको अर्थतन्त्र सुधारतर्फ अघि बढे पनि दबाबमुक्त भइनसकेको उनले बताए ।
राजस्व छुटका विषयमा मन्त्रालय होसियार रहेको र राजस्व चुहावट रोक्न समेत ध्यान केन्द्रित गरेको उनको भनाइ छ । अहिले बैंकमा थुप्रिएको रकम उत्पादन र उत्पादकत्वको क्षेत्रमा लगानी गर्नका लागि आवश्यक पहल भइरहेको पनि उनले बताए ।
सहकारी र लघुवित्तको समस्या समाधानका विषयमा धेरै छलफल भएको र छलफल निष्कर्षोन्मुख रहेको उनले बताए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
