
Apr 04 2025 | २०८१, चैत २२ गते
ललितपुर । ललितपुर प्रहरी परिसरका नयाँ प्रहरी प्रमुख तथा वरिष्ठ प्रहरी उपरिक्षक किरण बज्राचार्यलाई स्वागत गरेको छ । ललितपुर जिल्ला बचत तथा ऋण सहकारी संघको टोलीले एसएसपी बज्राचार्यलाई स्वागत तथा कार्यकालको शुभकामना व्यक्त गरिएको संघका अध्यक्ष रामहरि बजगाईँले बताए ।
एसएसपी बज्राचार्यसँग सहकारी क्षेत्रले ललितपुरमा गरेको योगदान र केहीकेही सहकारी संस्थाहरुमा देखिएका समस्याहरुको बारेमा सम्वाद भएको हो । बचत संघका अध्यक्ष बजगाईँले भने, ‘कोरोनाको कहरका बीच सहकारी क्षेत्र कसरी व्यवस्थित बनाउने र सुरक्षालाई कसरी बलियो बनाउन सकिन्छ भन्ने विषयमा समेत कुरा भयो ।’
बचत संघको टोलीले ललितपुरका सहकारीका अवस्थाका बारेमा जानकारी गराएको सचिव श्याम महर्जनले अनलाइन पत्रिकाले बताए । बचत संघको टोलीमा करुणा रत्न बज्राचार्य र सन्तोष बजगाईँपनि साथमा थिए ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij