Apr 09 2025 | २०८१, चैत २७ गते
Apr 09 2025 | २०८१, चैत २७ गते
काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ देशव्यापी भ्रमणमा जाने भएका छन् । पार्टी कार्यालय पेरिसडाँडामा मंगलबार बसेको पदाधिकारी बैठकमा उनले यस्तो इच्छा राखेका हुन् ।
‘माओवादीको कहीँ न कहीँ जनतासँगको कडी टुटेको थियो । यो जनतामा जाने ठूलो अवसर पनि हो । एकपटक म देशव्यापी भ्रमणमा जान्छु । ’ उनले बैठकमा भनेका थिए ।
अध्यक्ष प्रचण्डले राखेको भनाइ उद्धृत गर्दै उपाध्यक्ष अग्निप्रसाद सापकोटाले भने, ‘उहाँ केन्द्रीय समिति बैठकपछि देशभर जानुहुन्छ ।’
साथै, बैठकले स्थायी कमिटी बैठक साउन २६ गतेका लागि आह्वान गरेको छ । त्यसलगत्तै केन्द्रीय कमिटी बैठक बस्नेछ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
