Apr 12 2025 | २०८१, चैत ३० गते
Apr 12 2025 | २०८१, चैत ३० गते
काठमाडौं । प्रधानमन्त्री पुष्पकमल दाहाल ‘प्रचण्ड’ले २०७९ पुस १२ मा नेकपा अध्यक्ष केपी शर्मा ओलीको बहकाउमा लागेर आफूले कांग्रेससहितको गठबन्धन तोडेको बताएका छन् ।
शुक्रबार विश्वासको मत लिने क्रममा सदनलाई सम्बोधन गर्दै उनले कांग्रेस छाडेर एमालेको समर्थनमा प्रधानमन्त्री बन्दा एमालेको बहकाउमा लागेको भन्दै आत्मालोचना गरेका हुन् ।
ओलीले मिठो बोलेपछि उतै लागेको र कांगेसलाई धोका दिएको बताए ।
“यसमा एमाले अध्यक्ष कला क्षमता तारिफ गर्न लायक छ । उहाँको हैसियतको अरू यहाँ कोही पनि छैन । मलाई राम्रो फकाउनु भयो । वामपन्थि मिल्नपर्छ । कांग्रेस को हो ? यस्तै यस्तै धेरै…,” उनले भने, “म मान्छे यस्तै हुँ । प्रचण्ड यस्तै छ चिन्नुभएकै छ । अलिअलि सेन्टिमेन्टल भावुक । मिठो बोलेपछि होला त नि भनेर विश्वास गरेँ । फेरि म वामपन्थी नै परेँ । अर्को चुनावमा पश्चिम वंगालजस्तो भइन्छ भनेपछि हो भन्ने लाग्यो ।”
त्यो बेला एमालेलाई राष्ट्रपति प्रचण्ड सहमत भएका थिए । तर, पछि कांग्रेसलाई समर्थन गरेपछि एमाले सरकारबाट बाहिरिएको थियो ।
केपी ओलीप्रति संकेत गर्दै प्रचण्डले केही मान्छेहरू कहिल्यै कुण्ठा र प्रतिशोधबाट निस्किन नसक्ने आरोप लगाए । उनले भने, “१७ गते बिहान स्वर्ग र नर्कसँगै जाने भावुक आश्वासनहरूबाट झुक्याइएँ । म यसको नैतिक जिम्मेवारी लिन तयार छु ।”
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
