Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । काठमाडौं महानगरपालिकाका मेयर बालेन्द्र शाहले अन्ततः दलसंग झुकेर २८ बुँदे संशोधन प्रस्ताव कार्यान्वयन गरेका छन् । उनले १५ औं नगरसभाको पाँचौ बैठकबाट २८ बुँदे संशोधन प्रश्ताव कार्यान्वयन गरेका हुन् ।
कार्यापालिका सदस्यको तर्फबाट नेपाली कांग्रेसबाट प्रवक्तासमेत रहेका वडा नं. १७ का अध्यक्ष नवीन मानन्धर, एमालेका ३२ नम्बर अध्यक्ष नवराज पराजुली र एकीकृत समाजबादीको तर्फबाट १५ नम्बरका अध्यक्ष ईश्वरमान डंगोलले १ सय ६० जना कार्यपालिकाका सदस्यको सहमति लिएर २८ बुँदे संशोधन प्रस्ताप तयार गरेका थिए ।
त्यस्तै चौथो बैठक इन्कार गरेका मेयर शाहले पाँचौं बैठकमा संशोधन प्रश्ताव स्वीकार गरेका हुन् । कार्यापालिकाल सदस्य एवं प्रवक्ता मानन्धरले बुधबार मेयर शाहले कार्यपालिकाले तयार गरेको २८ बुँदे संशोधन प्रस्ताव कार्यान्वयन गर्ने बताए । उता प्रमुख प्रशासकीय अधिकृत प्रदिप परियारले केही बुँदामा मात्र संशोधन भएको दाबी गरेका छन् । उनले भने 'संशोधन गरिरहेका छौं, केही दिनमा जानकारी होला । उनले प्रवक्ताले दिएको विषयमा समेत प्रष्ट जानकारी दिनुभएन ।
यसअघि मेयर शाहले नेपाली कांग्रेस, एमाले र एकीकृत समाजवादीले यस अघि सारेको संशोधन प्रस्तावलाई ठाडै अस्वीकार गर्दै दलमाथि कडा आलोचना गर्दै आएका थिए । उनले पार्टीको नामबाट जोडिएका नेताको नाममा बजेट व्यवस्थापन गर्न नसक्ने समेत चेतावनी दिएका थिए । 'अन्तत: मेयर शाहले दलको प्रस्ताव स्वीकार गरेका छन् । निर्दलीय मेयर शाह दलसंग झुक्नुभएको छ, कामपा २२ का अध्यक्ष चिनीकाजी महर्जनले भने ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
