Logo

Apr 04 2025 | २०८१, चैत २२ गते

Apr 04 2025 | २०८१, चैत २२ गते

फिल्म खेलाउने भन्दै गेस्ट हाउसमा लैजाने कलाकार पक्राउ...!

फिल्म खेलाउने भन्दै गेस्ट हाउसमा लैजाने कलाकार पक्राउ...!

  • काठमाडौं । फिल्म तथा म्युजिक भिडिओ खेलाइदिन्छु भन्दै होटलमा लगेर बलात्कारको प्रयास गरेको आरोपमा एक कलाकार जेल पुगेका छन् ।

    फेसबुकबाट साथी बनाएर कोठमाडौं बोलाउने र होटलमा लगेर जबरजस्ती गर्न खोजेको भन्दै जिल्ला सरकारी वकिल कार्यालय काठमाडौंले एक कलाकारविरुद्ध अदालतमा मुद्दा दर्ता गरेको हो ।

    १४ वर्षिया किशोरीलाई ओखलढुङ्गाबाट काठमाडौं बोलाएर कोटेश्वरको न्यू पूर्वेली गेस्ट हाउसमा लगेर जबरजस्ती करण गर्न खोजेको भन्दै सिन्धुपाल्चोक त्रिपुरा गाउँपालिकाका रमेश श्रेष्ठ पक्राउ परेका हुन् । नेपाली सेनाका जवान समेत रहेका उनी मुद्दा दर्तापछि पुर्पक्षको लागि थुनामा पुगेका छन् ।

    उनले केही लोक तथा दोहोरी गीतमा अभिनय गरेका छन् । उनी १८ वर्षदेखि सेनामा जवान थिए । उनको उमेर ३६ वर्षको छ ।

    उनले किशोरीलाई जेठ २४ गते ओखलढुङ्गाबाट काठमाडौं बोलाएका थिए । किशोरी कोटेश्वर आएपछि राती ६ बजे रमेश श्रेष्ठले न्यू पूर्वेली गेस्ट हाउसमा लगेर गएका थिए । चिसो खुवाउने बहानामा उनले होटेलको १ सय २ नम्बरको कोठामा लगेर गएका थिए ।

    किशोरीले नमान्दा पनि उनले कपडा खोलेर जबरजस्ती गर्न खोजेको पीडितले बताएकी छिन् । पीडित किशोरी बल्ल बल्ल भाग्न सफल भएकी थिइन् ।

    प्रहरीले होटेलबाट सीसीटीभी फुटेज समेत बरामद गरेको छ । जहाँ किशोरी भागेर निस्किएकी छिन् र रमेश भने पछि निस्किएका छन् । पछि पीडितले मामाकी छोरीलाई घटनाबारे सुनाएपछि बानेश्वर प्रहरीमा उजुरी परेको हो ।

    फेसबुक प्रतिक्रिया

    थप समाचार

    पढ्नै पर्ने पत्रिका

    © 2025 All right reserved to onlinepatrika.com | Site By : Sobij

    © 2025 All right reserved to onlinepatrika.com | Site By : Sobij