Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । धनुषाको एउटा पोखरीमा डुबेर तीन बालिकाको मृत्यु भएको छ । जिल्ला प्रहरी कार्यालय धनुषाकाअनुसार धनौजी गाउँपालिका-५ बअुहर्वाको एक सार्वजनिक पोखरीमा डुबेर १० देखि १२ वर्ष उमेरका तीन बालिकाको मृत्यु भएको हो ।
मृत्यु हुनेमा मुस्कान खातुन, जिनत खातुन र अजमेरी खातुन रहेको धनुषाका प्रहरी प्रवक्ता डीएसपी रञ्जन अवालेले जानकारी दिए।
बिहीबार दिउँसो १२ बजेतिर पोखरीमा बालिकाहरुलाई डुबिरहेको देखेपछि स्थानीयले उद्धार गरी उपचारका लागि जनकपुर प्रादेशिक अस्पताल लगिएको थियो ।
एक जना मृत्यु भैसकेको अवस्थामा भेटिएको थियो भने दुई जनाको अस्पतालमा उपचारको क्रममा मृत्यु भएको डीएसपी अवालेले बताए । उनीहरुको नुहाउने क्रममा डुबेर मृत्यु भएको स्थानीयले बताएका छन् ।
बालिकाहरुको शव पोस्टमार्टमको लागि प्रादेशिक अस्पताल जनकपुरमा राखिएको छ । घटना विषयमा थप अनुसन्धान गरिरहेको प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
