Apr 05 2025 | २०८१, चैत २३ गते
Apr 05 2025 | २०८१, चैत २३ गते
काठमाडौं । नेपाली सेनाका अमलदारले दाङको तुलसीपुरमा श्रीमतीको हत्या गरेका छन् । तुलसीपुर राप्ती टोलस्थित गोकर्ण चन्दको घरमा डेरा गरी बस्ने ३६ वर्षीय शालिकराम बुढाथोकीले श्रीमती २७ वर्षीया टीकाको धारिलो हतियार प्रहार गरी हत्या गरेका हुन् ।
इलाका प्रहरी कार्यालय तुलसीपुरका अनुसार उनले आज बिहान ८ बजेतिर श्रीमतीको हत्या गरेका हुन् । घटनाबारे अनुसन्धान भइरहेको इलाका प्रहरी कार्यालय तुलसीपुरका डिएसपी ठाकुर प्रसाद पोखरेलले बताए ।
श्रीमतीको हत्या गरी बुढाथोकी फरार भएका थिए । उनलाई केहीबेरमै तुलसीपुरबाटै पक्राउ गरिएको थियो ।
शान्तिसेनाबाट फर्किएर घर बिदामा आएका बुढाथोकीले श्रीमतीलाई आज बिहान परपुरुषसँग आपत्तिजनक अवस्थामा भेटेपछि खुकुरी प्रहार गरि हत्या गरेको प्रारम्भिक बयानमा खुलेको छ ।
खुकुरी प्रहारबाट घाइते भएकी टिकाको राप्ती प्रादेशिक अस्पतालमा उपचारका क्रममा मृत्यु भएको थियो ।
श्रीमतीका साथमा फेला परेका नेपाली सेनाका जवान आर्यन थापालाई समेत बुढाथोकीलाई खुकुरी प्रहार गरेका थिए । गर्धन र टाउकोमा गम्भिर चोट लागेका थापाको उपचार भइरहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
