के भयो सहकारी ठगी छानबिन समितिको पहिलो बैठकमा ?

काठमाडौं । लामो रस्साकस्सीपछि प्रतिनिधिसभाले गठन गरेको सहकारी ठगी छानबिन संसदीय विशेष समितिको पहिलो बैठक बुधबार बसेको छ । १५ जेठमा एमाले सांसद सूर्य थापाको संयोजकत्वमा समिति गठन गरिएको थियो ।

उपप्रधानमन्त्री तथा गृहमन्त्री रवि लामिछाने मुछिएको सहकारीमाथि छानबिन गरी दोषीलाई कारबाही गर्न सिफारिस गर्ने कार्यादेश पाएको छानबिन समितिमा कांग्रेस, एमाले, माओवादी केन्द्र, राष्ट्रिय स्वतन्त्र पार्टी र राप्रपाबाट सदस्य छन् ।

समितिको पहिलो बैठकमा कार्यविधि बनाउनेबारे निर्णय भएको छ । सचिवालयका कर्मचारीलाई कार्यविधिको मस्यौदा बनाउन जिम्मेवारी दिइएको समिति सदस्य राप्रपा सांसद ध्रुवबहादुर प्रधानले जानकारी दिए ।

उनका अनुसार बुधबारको बैठकमा सबै सदस्यहरूले दलगत स्वार्थभन्दा माथि उठेर सहकारी प्रकरणमा छानबिन गर्ने बताएका छन् । उनले भने, ‘सहकारी ठगी आम जनतासँग जोडिएको विषय हो, यसमा कुनै राजनीति दलगत स्वार्थभन्दा माथि उठेर काम गर्नुपर्ने भन्ने समान धारणा आएको छ ।’

प्रमुख प्रतिपक्षी दल नेपाली कांग्रेसले लामिछानेमाथि सहकारी ठगीमा छानबिन गर्न संसदीय समिति बन्नुपर्ने माग राखी लगातार संसद अवरोध गरेपछि सत्ता पक्ष समिति बनाउन तयार भएको थियो ।

के भयो सहकारी ठगी छानबिन समितिको पहिलो बैठकमा ?

के भयो सहकारी ठगी छानबिन समितिको पहिलो बैठकमा ?

ट्याग

फेसबुक प्रतिक्रिया

ताजा अपडेट

थप समाचार

पढ्नै पर्ने पत्रिका

अध्यक्ष

सुनिता बाटाजु

प्रबन्ध सम्पादक

सुबिन कुमार श्रेष्ठ

सम्पादक

.............

प्रबन्ध निर्देशक

...............

सर्च गर्नुहोस्

गृहपृष्ठ

अपडेट

ट्रेन्डिंङ

भिडियो

ताजा अपडेट

लोकप्रिय