Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौं । सोमबार राति पर्सा राष्ट्रिय निकुञ्ज सुरक्षार्थ खटिएका नेपाली सेनाले ३६ केजी गाँजासहित तीन जना युवकलाई नियन्त्रणमा लिएको छ । मनहरी गाउँपालिका—७ माइड्रगा खोलानजिक सेनाले मकवानपुरको कैलाश गाउँपालिका—३ का २३ वर्षीय राजेन्द्र घिसिङ,२७ वर्षीय बिवेक चेपाङ र हेटौ)डा उपमहानगरपालिका—१८ का २२ वर्षीय उत्तम पाख्रिनलाई नियन्त्रणमा लिएको हो ।
पक्राउ परेका तीनै जना र बरामद गरिएको गाँजा पर्सा राष्ट्रिय निकुञ्जले इलाका प्रहरी कार्यालय मनहरीमा बुझाएको छ ।
‘तीनै जनालाई थप अनुसन्धान गरेर कारबाही गर्ने छौँ,’ इलाका प्रहरी कार्यालय मनहरीका प्रहरी निरीक्षक दीपक थापाले बताए । मकवानपुरको राक्सिराङ,कैलाश र धादिङका केही पालिकामा उत्पादित गाँजा र अफिम मकवानपुरको मनहरीका विभिन्न नाका हुँदै रातारात पर्सा राष्ट्रिय निकुञ्ज भएर भारततर्फ निकासी गर्ने गरिन्छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
