Apr 02 2025 | २०८१, चैत २० गते
Apr 02 2025 | २०८१, चैत २० गते
काठमाडौं । अभिनेत्री निशा अधिकारीले एक अर्काको धनसम्पत्तिमा नजर नरहेको बताएकी छन् । पति शरद भेषावकरसँग अंशबन्डा भएपछि विभिन्न टिकाटिप्पणी भइरहेका बेला अधिकारीले सामाजिक सञ्जालमार्फत् यस्तो बताएकी हुन् ।
छोरा र छोरीलाई बराबर अंश दिने प्रावधान रहेको उल्लेख गर्दै उनले को बाट धेरै पाउँछ भन्ने कुरा नितान्त व्यक्तिगत भएको बताइन् । उनले ‘आफ्नो एक मात्र सन्तानको आर्थिक पाटो सुल्झाउन पाएकोमा ढुक्कसँग मर्न पाउने मात्र होइन, यो कुराले आफूलाई गर्व’समेत हुने बताएकी छन् ।
यसअघि जिल्ला अदालत काठमाडौंका न्यायाधीश शिशिरराज ढकालले इजलासले शरदको एक तिहाइ सम्पत्ति (३ भागको १ भाग) निशाले पाउने फैसला सुनाएको छ । निशाले पति शरदबाट अंशबन्डा र मानाचामल पाउनुपर्ने माग गरी २०७९ भदौमा मुद्दा दायर गरेकी थिइन् ।
अदालतको फैसलाअनुसार अंश नपाउन्जेलसम्म शरदले निशालाई मासिक ४१ हजार रुपैयाँ भरणपोषण खर्च उपलब्ध गराउनुपर्नेछ । निशाले भने मासिक १ लाख माग गरेकी थिइन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
