
Apr 05 2025 | २०८१, चैत २३ गते
काठमाडौं । ३५ किलो लागु औषध चरेस सहित २ जना प्रहरीको नियन्त्रणमा छन । चितवनबाट भारततर्फ लैजाँदै गरेको अवस्थामा ३५ किलो लागु औषध चरेससहित २ जनालाई बाराको अम्लेखगञ्जबाट प्रहरीले नियन्त्रणमा लिएको हो ।
इलाका प्रहरी कार्यालय सिमरा र अम्लेखगञ्जबाट खटिएको प्रहरीले बुधवार भारतीय नम्बरको कार चेकजाँच गर्ने क्रममा भारतको उत्तर प्रदेश जिल्ला बैहराईच, थाना देहात कोतावाली नाजिरपुरा नई बस्ती बस्ने साफिर अलि (४२) र कारमा सवार सोही ठेगाना भएका मोहमद अफजाललाई नियन्त्रणमा लिएको हो ।
३५ किलो लागु औषध चरेस, सिम सहितको २ थान मोबाइल, भन्सार सम्बन्धी कागजपत्र र कार समेतलाई लागु औषध नियन्त्रण ऐन २०३३ अन्तर्गत आज म्याद थप गरेर अनुसन्धान तथा कारबाही अगाडी बढाइने प्रहरीले जनाएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij