Apr 09 2025 | २०८१, चैत २७ गते
Apr 09 2025 | २०८१, चैत २७ गते
काठमाडौं । काठमाडौं जिल्ला अदालतबाट हतकडीसहित फरार भएका थुनुवालाई प्रहरीले पक्राउ गरेको छ ।
बुधबार अदालत थुनछेक बहसका लागि लगेका बेला हतकडीसहित भागेका ३२ वर्षीय कमल खडकालाई प्रहरीले बिहीबार बिहान प्रहरी वृत्त महाराजगन्ज र जिल्ला प्रहरी परिसर टेकुबाट खटिएको टोलीले जडिबुटीस्थित न्यु दोलखाली गेस्ट हाउसबाट नियन्त्रणमा लिएको काठमाडौं प्रहरी परिसरका प्रवक्ता कुमोद ढुंगेलले जानकारी दिए ।
बुधबार बिहान १० बजेतिर ठगी मुद्दामा पक्राउ परेका खड्कालाई थुनछेक बहसका लागि प्रहरी वृत्त महाराजगन्जको टोलीले काठमाडौं जिल्ला अदालत लगेको थियो । त्यही बेला उनी अदालत परिसरबाटै हतकडीसहित भागेका हुन् ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
