Apr 19 2025 | २०८२, वैशाख ६ गते
Apr 19 2025 | २०८२, वैशाख ६ गते
काठमाडौं । चीनमा एक चोर लुट्ने क्रममा निदाएपछि पक्राउ परेका छन् । लुट्ने क्रममा निदाएका ती चोर ठूलो स्वरले घुरेपछि घरधनी नै ब्युँझिएका थिए ।
दक्षिणपश्चिम चीनको युनान प्रान्तको एक घरमा ती लुटेरा प्रवेश गरेका थिए । घरभित्र मानिस बोलेको सुनेपछि आत्तिएका लुटेरा घरधनी सुतेपछि लुट्ने भन्दै छुट्टै कोठामा लुकेका थिए । ती लुटेरा त्यसपछि चुरोट सेवन गरेर सुतेको बताइएको छ ।
आफ्नो सानो बच्चासँग सुतेकी ताङ उपनामकी घरधनी घुरेको ठूलो स्वरले ब्युँझिएकी थिइन् । छिमेकीबाट आएको आवाज होला भनेर सुरुमा उनी सुतेकी थिइन् ।
तर, ४० मिनेटपछि बच्चाको दूधको बोतल धुन सुत्ने कोठाबाट निस्किँदा उनले चर्को आवाज सुनिन् । त्यसपछि कोठाको ढोका खोल्दा एक अपरिचित पुरुष भुइँमा सुतिरहेको देखेर उनी छक्क परिन् ।
त्यसपछि घटनाबारे घरका अरु सदस्यलाई पनि भनेकी थिइन् र प्रहरी बोलाइएको थियो । चोरी गर्न खोजेका याङ उपनाम गरेका व्यक्ति पहिले पनि जेल गएको र गत सेप्टेम्बरमा जेलमुक्त भएको बताइएको छ । प्रहरीले उनीमाथि थप अनुसन्धान गरिरहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
