Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । तनहुँमा अरिङ्गालले टोकेर एक जनाको मृत्यु भएको छ । मृत्यु हुनेमा भानु नगरपालिका–४ फलाखेत बस्ने २४ वर्षीय राजकुमार तामाङ रहेका छन् । त्यस्तै सोही ठाउँ बस्ने ३२ वर्षीय धनबहादुर तामाङ अरिङ्गालले टोकेर घाइते भएका थिए ।
भानु नगरपालिका–७ स्थित जंगलमा अरिङ्गाल पोल्ने क्रममा घाइते भएका राजकुमारको उपचारको क्रममा मृत्यु भएको जिल्ला प्रहरी कार्यालय तनहुँले जनाएको हो ।
दुवै जनालाई लक्ष्मी अस्पताल डुम्रेमा प्राथमिक उपचारपछि थप उपचारका लागि चितवन मेडिकल कलेज चितवनमा पठाइएको प्रहरी नायब उपरीक्षक मोहनबहादुर खाँणले जनाएका छन् । घाइते धनबहादुर तामाङको सोही अस्पतालमा उपचार भइरहेको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
