Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । सुर्खेतमा १३ वर्षीया बालिका बलात्कार गरेको आरोपमा ४ जना पक्राउ परेका छन् । सुर्खेतको पञ्चपुरी नगरपालिकाका १९ वर्षका महेन्द्र सार्कीलाई पक्राउ गरेको हो । उनीसँगै पक्राउ परेका अन्य ३ जना भने १५ र १६ वर्षका छन् । जिल्ला प्रहरी कार्यालय सुर्खेतले बिहीबार राति घर नजिकै नाच हेर्न गएकी बालिकालाई ४ जनाले फरक फरक स्थानमा लगेर बलात्कार गरेको जनाएको छ ।
पक्राउ परेका सबैले एकअर्कालाई राम्ररी चिन्ने र एउटै गाउँका भएका कारण बलात्कारको घटना योजनाबद्ध रूपमा घटेको प्रहरीको प्रारम्भिक अनुसन्धानबाट खुलेको छ । ४ जनालाई मुद्दा दर्ता गरेर थप अनुसन्धान गरिरहेको जिल्ला प्रहरी कार्यालय सुर्खेतले बताए । बालिकाको प्रदेश अस्पताल सुर्खेतमा स्वास्थ्य परीक्षण गरिएको छ ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
