Apr 06 2025 | २०८१, चैत २४ गते
Apr 06 2025 | २०८१, चैत २४ गते
काठमाडौँ । आशा लघुवित्त वित्तीय संस्थाको संस्थापक समूहको १ लाख ३० हजार कित्ता बढी सेयर बिक्रीमा राखिएको छ । उक्त सेयरमा इच्छुक कम्पनी तथा व्यक्तिले खरिद आवेदन दिन पाउनेछन् ।
सेयरको न्यूनतम मूल्य भने प्रतिकित्ता ३७० रुपैयाँ तोकिएको छ । यसको अर्थ खरिद आवेदन दिँदा न्यूनतम मूल्य वा सोभन्दा बढी बोलकबोल गर्नुपर्नेछ ।
यो सेयरमा आवेदन दिने म्याद ७ दिनको रहेको छ । काभ्रेको बनेपास्थित संस्थाको केन्द्रीय कार्यालयमा सो आवेदन दिनुपर्नेछ । संस्थाले यसअघि पनि ३५ दिने सूचना जारी गर्दै संस्थापक सेयरधनीहरुका लागि यो सेयर बिक्रीमा राखेको थियो । तर, संस्थापक सेयरधनीबाट खरिद आवेदन नपरेपछि संस्थाले अन्य व्यक्ति तथा कम्पनीका लागि आवेदन खुला गरेको हो ।
© 2025 All right reserved to onlinepatrika.com | Site By : Sobij
© 2025 All right reserved to onlinepatrika.com | Site By : Sobij
